Monday, March 14, 2005

جھمپا لاہری سے ملاقات

پچھلے سال کی بات ہے۔ دا نَیمسَیک پڑھنے کے بعد میں جھمپا لاہری کا دیوانہ ہوگیا۔ پھر اِنٹَرپرٹَر آف مَیلاڈِیز پڑھی تو دیوانگی جنون تک پہنچ گئی۔ (حالانکہ جھمپا کی کتب پڑھنے کی یہ ترتیب کچھ الٹ ہے لیکن پھر بھی۔) پھر ایک دن ایبی نے دریافت کیا کہ جھمپا باسٹن آرہی ہیں۔ صرف باسٹن ہی نہیں بلکہ ایم۔آئی۔ٹی آرہی ہیں۔ میں خوشی سے پھولے نہ سمایا۔ چٹ اپنی فرائڈے ٹائمز کی مدیرہ سے ڈینگیں مارنے لگا کہ جھمپا سے انٹرویو تو کہیں نہیں گیا۔ اس نے بھی نیا نیا کتابوں کا صفحہ شروع کیا تھا۔ بہت خوش ہوئی۔ اور میں جھمپا کے آنے کے دن گنتا گیا۔

پھر اچانک خبر آئی۔ جھمپا نے اپنا دورہ ملتوی کردیا ہے۔ ایک آدھ ہفتے بعد آئیں گی۔ اور اب ہارورڈ بک سٹور میں بولیں گی۔ ایک آدھ ہفتہ بھی گزر گیا۔ جھمپا کا کوئی نام ونشان نہیں۔ میں بیچین، مدیرہ کا موڈ خراب۔ بہرحال، جھمپا نہ آئیں۔ اور میری ان سے ملاقات نہ ہوئی۔ آج جب اِنٹَرپرٹَر آف مَیلاڈِیز پھر پڑھی تو اس ناہونے والی ملاقات کی یاد آئی۔ جھمپا، اگر آپ (1) اردو پڑھنا جانتی ہیں، (2) اس بلاگ سے واقف ہیں، اور (3) ایک جنونی مداح کو انٹرویو دینے پر کوئی اعتراض نہیں رکھتیں، تو فورا مجھے ای۔میل کریں۔

تبصرے  (2)

Blogger Kamran

i hope u get to meet miss lahri soon.. btw i just love ur blog man.. i m so proud... u r in MIT i guess... btw how can i find ur email address? i didnt find any on ur profile!

10:42 AM  
Blogger ضیا

شکریہ کوڈبوکس۔ میرا ای۔میل ایڈرس ہے zia[dot]ahmed[at]gmail[dot]com

10:47 PM  

تبصرہ کیجیے

کیفے حقیقت